नेकनूर दि.८(वार्ताहर):नेकनूर(Neknoor) येथून येळंबघाटकडे सोमवार (दि.७) रोजी रात्री आठ वाजता चाललेल्या दुचाकी क्र.एमएच २३ बीडी ९६९८ ला अज्ञात वाहनाने धडक दिल्याने यामध्ये दोन युवकांचा मृत्यु झाला,तर एकजण गंभीर जखमी झाला. (Accident) जखमीवर बीड येथील रुग्णालयात उपचार सुरू आहेत.

    सविस्तर माहिती अशी की,नेकनूर(Neknoor)  येथील मिस्त्री काम करणारा युवक (Accident) गणेश श्रीधर घरत (वय २९) याचा या अपघातात जागीच मृत्यु झाला, तर येळंबघाट येथील युवक पठाण अफजल पठाण अमजद (वय १७) याचा उपचारादरम्यान बीड येथे मृत्यु झाला. नेकनूर येथील बाबा कांबळे (वय ३८) हा गंभीर जखमी झाला असून, त्याच्यावर (Beed) बीड येथील रुग्णालयात उपचार सुरू आहेत. पुढील तपास नेकनूर पोलीस स्टेशनचे कॉन्स्टेबल रतन निगुळे, उबाळे हे करीत आहेत.