मुंबईच्या (mumbai)ओशिवरा परिसरात मोठी आग लागल्याची घटना समोर आली आहे. (Mumbai Fire) ओशिवरा येथील फर्निचर मार्केटला भीषण आग लागली. या आगीमध्ये ५० ते ६० दुकाने जळून खाक झाली आहेत. लाकडाची दुकानं असल्यामुळे आग वाढत चालली आहे. आगीची माहिती मिळताच अग्निशमन दलाचे कर्मचारी घटनास्थळी दाखल झाले असून आग विझवण्याचे शर्थीचे प्रयत्न सुरु आहेत. सध्या परिसरामध्ये सगळीकडे धुराचे लोट पसरले आहेत.

आग लागल्यानंतर घटनास्थळावर सिलेंडरचा देखील स्फोट झाला. त्यामुळे आगीने रौद्ररूप धारण केले. सध्या या परिसरामध्ये सध्या भीतीचे वातावरण आहे. या आगीमध्ये सुदैवाने कोणीही जखमी अथवा जीवितहानी झाली नाही. आग लागताच फर्निचर मार्केटमध्ये काम करणाऱ्या कामगारांन दुकानाबाहेर धाव घेतल्यामुळे मोठा अनर्थ टळला. पण या आगीमध्ये फर्निचर मार्केटमधील अनेक दुकानांचे मोठे नुकसान झाले आहे.