पुणे: पुणे-सोलापूर महामार्गावर सोरतापवाडी येथे पहाटे ४:३० वाजता मंत्री धनंजय मुंडे यांच्या पत्नी राजश्री मुंडे यांच्या कारचा भीषण अपघात झाला. अपघातात त्यांच्या कारची जोरदार धडक एका ट्रॅव्हल बससोबत झाली. सुदैवाने, राजश्री मुंडे किरकोळ जखमी झाल्या असून त्यांची प्रकृती स्थिर असल्याची माहिती मिळाली आहे.
ही दुर्घटना सोरतापवाडी या ठिकाणी घडली, जेथे महामार्गावर कार आणि ट्रॅव्हल बसची आमने-सामने धडक झाली. पहाटेच्या वेळी झालेल्या या अपघातामुळे महामार्गावर वाहतूक काही काळासाठी ठप्प झाली होती. प्रत्यक्षदर्शींनी दिलेल्या माहितीनुसार, दोन्ही वाहनांची वेगाने धडक झाल्यामुळे अपघात गंभीर झाला. घटनास्थळी तातडीने स्थानिक पोलिस आणि आपत्कालीन सेवांनी पोहोचून मदतकार्य सुरू केले.मंत्री धनंजय मुंडे यांच्या पत्नी राजश्री मुंडे या अपघातात किरकोळ जखमी झाल्या आहेत. त्यांना तातडीने जवळच्या रुग्णालयात दाखल करण्यात आले, जिथे त्यांच्यावर प्राथमिक उपचार करण्यात आले. त्यांच्या प्रकृतीबाबत डॉक्टरांनी दिलासा दिला असून, त्यांची प्रकृती आता स्थिर आहे. अपघातानंतर त्यांची प्रकृती तपासून त्यांना काही वेळातच रुग्णालयातून डिस्चार्ज मिळणार असल्याचे समजते.
