बीड-पोलीस अधिक्षक नंदकुमार ठाकूर यांनी पोलीस दलात रिक्त असलेल्या जागी पोलीस निरीक्षक,सहाय्यक पोलीस निरीक्षक व पोलीस उपनिरीक्षकांच्या नियुक्ती केल्या आहेत. जिल्हा विशेष शाखाची जबाबदारी आता पोलीस निरीक्षक मुकुंद कुलकर्णी यांच्यावर सोपविण्यात आली असून स्थानिक गुन्हे शाखेतील प्रमुख असलेल्या उस्मान शेख यांच्या पूर्वीच्या संभाजीनगर ठाण्यात धनंजय ढोणे प्रभारी म्हणून काम पाहणार आहेत.
बीड जिल्ह्यात नव्याने ९ अधिकाऱ्यांवर पोलीस अधिक्षक नंदकुमार ठाकूर यांनी जबाबदारी सोपविली आहे. यात पोलीस निरीक्षक मुकुंद कुलकर्णी यांना जिल्हा विशेष शाखा, पोलीस निरीक्षक धनंजय ढोणे यांना संभाजी नगर परळी,सपोनि सुदाम सिरसाट यांना पेठ बीड,सपोनि संदीप दुनगहू शिवाजी नगर,पोउनि स्वप्निल भोजगुडे दिंदृड,पोउनि तुकाराम बोडखे जिल्हा विशेष शाखा,पोउनि योगेश राऊत शिवाजीनगर, पोउनि दिगांबर जामोदकर परळी शहर,पोउनि योगेश रंधे यांची बीड शहरला नियुक्ती करण्यात आली आहे.
