आष्टी (प्रतिनिधी) प्रविण पोकळे पाटोदा तालुक्यातील चिंचोली येथील श्री क्षेत्र गहिनीनाथ गडाचे मठाधिपती ह.भ.प.विठ्ठल महाराज यांच्या गाडीचा आज बुधवार दि.२२ मे रोजी दुपार च्या दरम्यान पाथर्डी जवळील घाटात वळणावर गहिनाथ गडावरून पाथर्डीच्या दिशेने जात असताना अपघात झाला आहे. यामध्ये महाराजांच्या पायाला दुखापत झाली असून ड्रायव्हर जखमी झाला आहे.
सुदैवाने महाराज सुखरूप असून त्यांच्या पायाला दुखापत झाली असल्याने प्रथम उपचारासाठी अहमदनगर येथील साईदीप या खाजगी रुग्णालयात नेले असून त्यांना पुढील उपचारासाठी पुणे येथील त्यांच्या नेहमीच्या खाजगी रुग्णालयात घेऊन जाणार असल्याची माहिती कळतेय.अपघात कसा झाला याचे कारण अस्पष्ट असून मात्र महाराजांची प्रकृती ठीक असून सतत उपचार घेत असलेल्या पुणे येथील खाजगी रुग्णालयात त्यांना इतर तपासणीसाठी घेऊन जाणार असल्याची माहिती कळतेय.
