बीड दि.२० (प्रतिनिधी)-गेवराई तालुक्यातील तलवाडा पोलीस स्टेशन हद्दीतील तपेनिमगाव गोदावरी नदी पात्रात अनोखळी पुरुषाचे प्रेत पाण्यात तरंगत असल्याचे तेथील मच्छीमाराला दिसून आले त्यांनी तलवाडा पोलीसांना या घटनेची माहिती दिली

असता सपोनि सोमनाथ नरके यांच्या मार्गदर्शनाखाली उपनिरीक्षक स्वप्निल कोळी उपनिरीक्षक बाळासाहेब भवर, उपनिरीक्षक नेवरे,पोलीस हवालदार जावळे, चालक, घटनास्थळी दाखल झाल्यानंतर पोलिसांनी गोदावरी नदीच्या पात्रातून प्रेत काढण्याची प्रक्रिया सुरु केली. गावातील नागरिकांनी मोठ्या प्रमाणात गर्दी केली होती. दरम्यान आढळलेल्या प्रेताची दुपारी उशिरापर्यंत ओळख पटलेली नव्हती. सदरील इसमाची ओळख पटविण्याचे आवाहन पोलिसांनी केले आहे.